‘‘व्हिटॅमिन्स' हे पुस्तक संशोधनावर आधारित, अत्यंत अभ्यासपूर्ण व विषयाची सर्वांग ओळख करून देणारे आहे. कोणत्याही विषयाला मुळापासून भिडून सर्वसाधारण अनभिज्ञ वाचकांसाठी ते सहज सोपे करून मांडणे हे अच्युत गोडबोले व डॉ. वैदेही लिमये यांचे वैशिष्ट्य आहे. प्रत्येक व्हिटॅमिनच्या संशोधनाचा इतिहास; तसेच त्याची आजच्या युगातील उपयुक्तता व त्या संबंधित विवेचन वैद्यकीय व्यावसायिकांसही वाचनीय आहे. प्रवाही व रसाळ भाषेमुळे हे पुस्तक सामान्य वाचकाला खिळवून ठेवते. या पुस्तकासाठी अनेक शुभेच्छा!’’ - डॉ. अविनाश सुपे Director, GSMCFAIMER Regional Institute Secretary, Asia Pacific HPB Association ‘‘व्हिटॅमिन्स'सारखा अवघड; पण तितकाच गंभीर आणि महत्त्वाचा विषय हाताळणं हे सोपं काम नव्हे. व्यासंगी लेखक अच्युत गोडबोले व डॉ. वैदेही लिमये या दोघांनीही एखाद्या कसलेल्या गायकाच्या कंठातून सहज सुरेल तान निघावी तसा हा विषय शास्त्रीय अभ्यासपूर्ण तरीही रंजक रीतीने मांडला आहे. व्हिटॅमिन्सच्या शोधांच्या कथा, त्यांच्या शोधात आलेले अडथळे, संशोधकांच्या हालअपेष्टा आणि त्यातून त्यांनी मिळवलेले यश यांचा वाचनीय आलेख या लेखकद्वयींनी मांडला आहे.’’ -डॉ. विजय आजगावकर सुप्रसिद्ध मधुमेहतज्ञ आणि लेखक ‘‘संशोधनात वापरण्यात येणाऱ्या सर्व शास्त्रीय पद्धतींचा या पुस्तकात मागोवा घेण्यात आला आहे. पाश्चिमात्य व भारतीय परंपरा यांचे दाखले दिल्यामुळे हे लिखाण आकर्षक झाले आहे. पोषण, आहार व निकृष्ट शरीर यांचा संबंधही प्रस्तुत पुस्तकातील विविध प्रयोगांमुळे सिद्ध झालेला दिसून येतो. आहारातील प्रत्येक व्हिटॅमिन्सचे कोणते पदार्थ किती प्रमाणात घ्यावेत, न घेतल्यास होणारे दुष्परिणाम याची सविस्तर माहिती या पुस्तकाद्वारे मिळते. हे पुस्तक मराठीत असल्यामुळे सर्वांना विशेषतः महिलांना, शालेय विद्यार्थ्यांना अत्यंत उपयुक्त ठरेल, यात शंका नाही. 'व्हिटॅमिन्स' हे पुस्तक अनेक तरुण (भावी) संशोधकांना प्रेरणादायी ठरेल, अशी सदिच्छा करून पुनश्च लेखकांचे मन:पूर्वक अभिनंदन.’’ - डॉ. व्ही. सुधा राव ट्रस्टी, भारतीय महिला वैज्ञानिक संस्था, वाशी, नवी मुंबई व माजी वरिष्ठ वैज्ञानिक अधिकारी, बी.ए.आर.सी. मुंबई. About the Author अच्युत गोडबोले शालान्त परीक्षेत राज्यात 16 वा; कॉलेजमध्ये, विद्यापीठात पहिला क्रमांक. पहिली ते आय.आय.टी.पर्यंत गणितात जवळपास सर्व परीक्षांत सर्वोच्च गुण आणि पारितोषिकं. आय.आय.टी. मुंबईचे केमिकल इंजिनिअर, 1972. सॉफ्टवेअर क्षेत्रात भारत, इंग्लंड आणि अमेरिकेत 32 वर्षं अनुभव; त्यातली 23 वर्षं हजारो सॉफ्टवेअर इंजिनिअर्स असलेल्या जगन्मान्य आंतरराष्ट्रीय कंपन्यांत सर्वोच्च पदाचा अनुभव. सॉफ्टवेअरच्या कामानिमित्त 150 हून जास्त वेळा जगप्रवास. पटणी, सिंटेल, एल.अॅण्ड टी. इन्फोटेक, अपार, दिशा वगैरे अनेक मोठ्या कंपन्यांच्या सर्वोच्चपदी असताना त्यांच्या जगभरातील व्यवसायात अनेक पटीनं वाढीमध्ये हातभार. टाटा मॅग्रॉ-हिलतर्फे जगभर वापरल्या जाणार्या कॉम्प्युटरवरच्या ‘ऑपरेटिंग सिस्टिम्स’, ‘डेटा कम्युनिकेशन्स अँड नेटवर्क्स’, ‘वेब टेक्नॉलॉजीज्’ आणि ‘डिमिस्टिफाइंग कम्प्युटर्स’ या चार प्रत्येकी 500 ते 700 पानी पाठ्यपुस्तकांचं लेखन. चिनीसकट अनेक भाषांत ही पुस्तकं अनुवादित. मराठीत 42 पुस्तकांचं लेखन ः ‘संगणकयुग’, ‘बोर्डरूम’, ‘नादवेध’, ‘किमयागार’, ‘अर्थात’, ‘गुलाम’, ‘थैमान चंगळवादाचे’, ‘नॅनोदय’ , ‘स्टीव्ह जॉब्ज’, ‘मनात’ , ‘मुसाफिर’(आत्मचरित्र), ‘गणिती’, ‘झपूर्झा 1-2-3’ , ‘कॅनव्हास’, ‘लाईमलाईट’, ‘जीनियस 1-2-3’, ‘मनकल्लोळ भाग 1 आणि 2’ ‘रक्त’, ‘सिंफनी’, ‘व्हिटॅमिन्स’, ‘बखर संगणकाची’, ‘संवाद’, ‘अनर्थ’, ‘माय लॉर्ड’, ‘शरीर’, ‘आर्टिफिशियल इंटेलिजन्स’, ‘इंडस्ट्री 4.0’, ‘ऑटिझम’, ‘सजीव’, ‘प्रवास’, ‘प्रकाश’, ‘इन्फोटेक’. ‘नादवेध’, ‘किमयागार’, ‘अर्थात’, ‘नॅनोदय’, ‘मनात’ आणि ‘अनर्थ’ या पुस्तकांना राज्यशासनासह अनेक मानाचे पुरस्कार. ‘तंत्रमंत्र’, ‘प्राणिजगत’, ‘वैद्यकायन’, ‘विज्ञानवाद’ आणि ‘इन्फोटेक’ अशा अनेक वाचकप्रिय लेखमाला; वर्तमानपत्रांत आणि मासिकांत मिळून एकूण 1000 च्या वर लेख. टेलिव्हिजन आणि यू ट्यूब या माध्यमांवर ‘अर्थशास्त्र’, ‘मानसशास्त्र’, ‘विज्ञान’, ‘तंत्रज्ञान’, ‘गणित’, ‘विवेकवाद’, ‘उद्याचं जग’, ‘माझं लेखन/माझी मुसाफिरी’, आणि ‘संगीत’ यांच्याविषयी अनेक भाषणं आणि चर्चांमध्ये सहभाग आणि मुलाखती. आय.बी.एम.तर्फे दोनदा पुरस्कार आणि पंतप्रधानांकडून दोनदा पुरस्कार, ‘उद्योगरत्न’ पुरस्कार, आय.आय.टी.चा प्रचंड बहुमानाचा ‘डिस्टिंग्विश्ड अॅल्युमिनस’ पुरस्कार, पं. भीमसेन जोशींच्या हस्ते ‘कुमार गंधर्व’ पुरस्कार, सह्याद्री वाहिनीचा ‘नवरत्न’ पुरस्कार, ‘डॉ. पारनेरकर’ पुरस्कार, महाराष्ट्र साहित्य परिषदेतर्फे ‘सो