Më 19 korrik 1977, Maitreja, Krishti, Mësuesi Botëror, Kreu u Hierarkisë sonë Spirituale, braktisi vendstrehimin e Tij të lashtë dhe që nga ajo kohë është duke jetuar në botën moderne. Së bashku me Dishepujt e Tij, Mjeshtrit e Urtësisë së Jashtëkohshme, Ai do të inaugurojë Epokën e Re të Sintezës dhe Vëllazërisë.
Benjamin Creme, shpjegon si në vijim:
"Në fillim të shtatorit të 1977, Maitreja më pyeti nëse do t'i pranoja publikisht komunikimet nga që i kisha marrë që nga viti 1974. I thash se do të përpiqem, do të bëj çdo gjë që është e mundur.

"Mesazhet janë transmetuar nga unë te audienca. Nuk ka të bëj me gjendje transi/ekstaze e as ndonjë gjendje tjetër mediale; zëri është i imi, megjithëse diç i përforcuar dhe i ndryshuar në tonalitet nga energjia tejhijëzuese e Maitresë. Mesazhet njëkohësisht transmetohen në të gjitha rrafshet astrale dhe mendore dhe, për të ndodhur kjo, unë siguroj vibracionin themelor eterik. Nga këto rrafshe subtile ato ndikojnë mendjen dhe zemrën e njerëzve të panumërt dhe kështu ata vetëdijesohen për mendimet dhe praninë e Krishtit. Në këtë mënyrë Ai liron fragmente nga Mësimdhënia e Tij për të përgatitur klimën e shpresës dhe pritshmërisë, që do të sigurojë pranimin dhe ndjekjen më të shpejtë e me më shumë kënaqësi.
Me anë të këtyre komunikimeve Maitreja, Krishti, sugjeron linjat të cilat duhet marrë ndryshimi shoqëror. Ai jep sugjerime se si mund të njihet dhe i nxitë dëgjuesit për të bërë të njohur faktin e Pranisë së Tij. Ai po ashtu ngjall dëshirën për të ndarë për t'i shërbyer njerëzimit dhe vetes.

Disa fragmente nga mesazhet

- Ka arsye të shumta përse më duhet të zbres dhe të shfaqem përsëri mes jush. Ato janë kryesisht si vijon: Ka shumë njerëz në mbarë botën që më thërrasin, luten për Rikthimin Tim. Unë po u përgjigjem lutjeve të tyre. shumë të tjerë kanë uri dhe vdesin pa nevojë, nga mungesa e ushqimit që kalbet nëpër depot e botës. Ka nevojë të madhe për ndihmën Time në mënyra tjera: si Mësues, si Mbrojtës, si Mik dhe Udhërrëfyes. Si të gjitha këto vij.
- Unë vij po ashtu që t'ju tregoj rrugën drejt Perëndisë, prapa te Burimi juaj; për t'ju treguar se Rruga për te Perëndia është shteg i lehtë që mund ta kalojnë të gjithë; për t'ju ngritur në dritën e asaj të Vërtete të Re që është Zbulesa që po e sjell Unë.
- lejomëni t'ju tregoj rrugën përpara, në një jetë më të thjeshtë ku nuk mungon asgjë; ku nuk janë dy ditë të njëjta; ku mund të shfaqet kënaqësia e Vëllazërisë përmes të gjithë njerëzve.
- E Imja është detyra për të udhëhequr dhe udhërrëfyer, por ju duhet të më ndiqni me vullnet. Përndryshe nuk mund të bëj asgjë. Duart i kam të lidhura nga Ligji. Vendimi i takon njerëzimit.

- Kur të bëj Veten të njohur, do të shpreh shpresën e gjithë njerëzimit për një jetë të re, një fillim të ri, gatishmëri për ndryshim të kahes; për të parë ndërtimin e një Bote të Re ku njerëzit mund të jetojnë në paqe; të jetojnë pa frikë nga vetja ose vëllezërit e tyre; të lirë për të krijuar nga kënaqësia në zemrat e tyre; të lirë për të qenë vetvetja në ndershmëri të thjeshtë.

- Detyra Ime nuk është vetëm fillimi, por në zemrat e njerëzve edhe tani ekziston një dritë e të, një shpresë e re, një ndjenjë e një fillimi të ri; për të kuptuar se njeriu nuk është i vetë, se Mbrojtësi i të Gjithëve ka dërguar të Dërguarin e Tij.
- Në mbarë botën ka burra, gra e fëmijë të vegjël që nuk posedojnë as gjërat me elementare për të mbetur gjallë; këta i mbushin qytetet e shumë vendeve më të varfra të botës. Ky krim më mbush me turp. Vëllezërit e Mi, si mund t'i shikoni këta njerëz duke vdekur para syve tuaj dhe ta quani veten