Pratibha Satpathyସାଂପ୍ରତିକ କବିତା ବାଙ୍]ମୟରେ ବିଶିଷ୍ଟ କବି ପ୍ରତିଭା ଶତପଥୀ ଏକ ସ୍ପର୍ଦ୍ଧିତ ଉଚ୍ଚାରଣ । ଅନୁଭବର ଉଚ୍ଚାରଣକୁ ଏକାଗ୍ର ଭାବରେ କବିତାୟିତ କରିଥିବା ପ୍ରଚଣ୍ଡ କାବ୍ୟସାଧିକା ସେ । ତାଙ୍କ କବିତାର ଶବ୍ଦ ଆତ୍ମାର ଅକପଟ ଅଭିବ୍ୟକ୍ତିକୁ ସ୍ପଷ୍ଟ ଭାବରେ ଚିତ୍ରାୟିତ କରେ । କବିତା ଜରିଆରେ ସେ ଆକାଶ, ପୃଥିବୀ, ମାଟି, ବୃକ୍ଷ, ପୁଷ୍ପ, ନକ୍ଷତ୍ର, ରାତ୍ରି, ସାଗର, କାକର, ମେଘ, ମୃତ୍ୟୁ, ସଂପର୍କ, ପୂର୍ଣ୍ଣତା ଓ ଅପୂର୍ଣ୍ଣତାର ସାର୍ଥକ ଉପସ୍ଥାପିକା । ସେ ବିଚାରରେ ଗମ୍ଭୀର, ଆବେଗରେ ଛଳଛଳ, ଉଚ୍ଚାରଣରେ ଉଦାତ୍ତ ଓ ଅକୃତ୍ରିମ । ଜାତୀୟ ତଥା ମହାଭାରତୀୟ ସାହିତ୍ୟ କ୍ଷେତ୍ରରେ ଡ. ଶତପଥୀ ବ୍ୟତିକ୍ରମ ଓ ସ୍ୱତନ୍ତ୍ର । 'ତନ୍ମୟ ଧୂଳି' କବିତା ପୁସ୍ତକ ନିମନ୍ତେ ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ପ୍ରଥମ ଓଡ଼ିଆ କବୟିତ୍ରୀ ସେ । ଡକ୍ଟର ଶତପଥୀ ଏକାଧାରରେ ଜଣେ କବି, ପ୍ରାବନ୍ଧିକ, ଭ୍ରମଣ କାହାଣୀକାର, ଜୀବନୀକାର, ଅନୁବାଦିକା, ସଂପାଦିକା ତଥା ସମାଲୋଚିକା । କବିତା କ୍ଷେତ୍ରରେ 'ଅସ୍ତଜହ୍ନର ଏଲିଜି' (୧୯୬୯), 'ଗ୍ରସ୍ତ ସମୟ' (୧୯୭୪) ଇତ୍ୟାଦି ତାଙ୍କର ଉଲ୍ଲେଖନୀୟ ସୃଷ୍ଟି । ଏ ସମସ୍ତ ପାଇଁ ସେ କେନ୍ଦ୍ର ସାହିତ୍ୟ ଏକାଡେମୀ, ଓଡ଼ିଶା ସାହିତ୍ୟ ଏକାଡେମୀ, ଶାରଳା ପୁରସ୍କାର, କର୍ଣ୍ଣାଟକର ଏନ୍].ଏନ୍].ଥିରୁମଲାମ୍ବା ଜାତୀୟ ପୁରସ୍କାର, କବୀର ସମ୍ମାନ ଇତ୍ୟାଦି ପୁରସ୍କାର ପ୍ରାପ୍ତ ହୋଇଛନ୍ତି । Read More Read Less